«Манчестер Юнайтед» ва Туриннинг «Ювентус» клублари собиқ футболчиси Поль Погба Испания терма жамоаси ва Каталониянинг «Барселона» клубининг 18 ёшли вингери Ламин Ямаль ҳақидаги фикрлари билан ўртоқлашди.
«Ямаль жуда ёш футболчи, у ўзини ажойиб ҳис қилмоқда. Менимча, у бор эътиборини футболга қаратиши ва бошқа ишларни четга суриб туриши керак. Атрофини тўғри одамлар билан ўраб олиши лозим. Унинг яқинлари ва агентлари муҳим рол ўйнайди. Ҳозирги вақтда у дунёнинг энг зўри бўлмаса ҳам, шубҳасиз, кучли учликка киради», — дея французнинг сўзларини келтиради El Chiringuito.
18 ёшли испаниялик футболчининг трансфер қиймати 200 миллион еврога баҳоланмоқда. Унинг «Барселона» билан шартномаси 2031 йилнинг ўрталаригача мўлжалланган.
