«Айнтрахт» ва Германия терма жамоасининг 23 ёшли қанот ҳимоячиси Натаниэль Браун яқин орада «Бавария»га ўтиши мумкин. Бу ҳақда инсайдер Николо Скира хабар бермоқда.

Манбанинг маълумотига кўра, музокаралар якуний босқичда турибди. Келишув суммаси 55 миллион еврони ташкил этиши кутилмоқда. Брауннинг ўзи «Бавария» билан 2031 йилгача мўлжалланган шартнома имзолаши керак. Мюнхенликлар ушбу трансфер яқин кунларда амалга ошишига ишонч билдиришмоқда.

Якунланган клуб мавсумида Браун барча турнирларда 42 та ўйинда майдонга тушиб, тўртта гол урди ва олтита голли узатмани амалга оширди.

Давом этаётган жаҳон чемпионатида ҳимоячи аллақачон иккита самарали балл (1+1) тўплашга улгурди. Биринчи турда у немислар жамоасига Кюрасаони тор-мор этишда (7:1) ёрдам берди.