Франция терма жамоаси ярим ҳимоячиси Майкл Олисе жаҳон чемпионати — 2026 гуруҳ босқичидан ўрин олган Сенегалга қарши ўйинда (3:1) учрашувнинг энг яхши футболчиси совринини қўлга киритди. Унинг ҳисобида битта голли узатма мавжуд.
Нью-Жерсидаги «Метлайф» стадионида бўлиб ўтган учрашув Франция терма жамоасининг ғалабаси билан якунланди — Килиан Мбаппе дубль қайд этиб, терма жамоанинг жаҳон чемпионатларидаги голлари бўйича рекордини (14 та) ўрнатди, яна бир голни Брэдли Баркола киритди.
Олисе иккинчи бўлимда Франция ҳужумларининг асосий ташкилотчисига айланди, айнан унинг аниқ узатмаси Сенегал мудофаасини ёриб ўтиб, 66-дақиқада Мбаппени дарвозабон билан бирга-бир вазиятга олиб чиқди. Goal.com нашри баҳолашича, «Бавария» хавбеки ўз ўйини учун 10 баллдан 8 баллга лойиқ кўрилди.
24 ёшли Олисе учун бу учрашув жаҳон чемпионатларидаги дебют ўйин бўлди.
