Футбол бўйича 2026 йилги жаҳон чемпионати биринчи турида Франция терма жамоаси Сенегални 3:1 ҳисобида мағлуб этди. Учрашувдан сўнг сенегалликлар дарвозабони Эдуар Менди ўйин якунларини сарҳисоб қилди.
«Биз ўйин режамизни амалга ошира олмадим. Бу жуда қийин бўлди. Иккинчи бўлимда ўйинни кучайтиришимиз, савияни оширишимиз ва ҳужумда хавфлироқ ҳаракат қилишимиз кераклигини билардик. Рақибга ҳеч қандай имконият қолдириб бўлмайди, чунки уларнинг сафида ҳақиқий иқтидорлар жамланган.
Биринчи ўйин ортда қолди, ундан тўғри хулоса чиқаришимиз керак. Менимча, рақиб жамоавий ўйин борасида биздан у қадар устун бўлмади. Биз ўз кучимизни биламиз ва бундан ҳам яхшироқ ўйнай олишимизни тушуниб турардик. Мағлуб бўлдик, лекин бу ҳали ҳаммаси тугади дегани эмас. Энди бор эътиборимизни Норвегияга қарши учрашувга қаратишимиз лозим», — дея футболчининг сўзларини келтиради Bein Sports.
Сенегал ва Норвегия терма жамоалари 23 июнь куни ўзаро тўқнаш келишади.
