«Пари Сен-Жермен» ҳужумчиси Гонсалу Рамуш фаолиятини Италия A Сериясида давом эттириши мумкин.

Португалиялик футболчи парижликларнинг асосий таркибидан муқим жой ололмаяпти, шу сабабли унинг ушбу ёзда жамоани тарк этиши жуда эҳтимолдан йироқ эмас. Инсайдер Николо Скиранинг берган маълумотларига кўра, ҳужумчининг хизматлари аллақачон «Милан» ва «Ювентус» клубларига таклиф этилган. Ҳозирча «россонери»лар ва «бьянконери»лар ушбу битимга қанчалик қизиқиш билдираётгани номаълум.

Гонсалу Рамуш ўтган мавсумда «ПСЖ» сафида 45 та ўйинда майдонга тушиб, 12 та гол ва иккита голли узатма билан ажралиб турди. 24 ёшли футболчининг трансфер қиймати Transfermarkt портали томонидан 30 млн еврога баҳоланмоқда.