Франция терма жамоаси ҳужумчиси Килиан Мбаппе Майкл Олисе билан биргаликдаги ўйини ҳақида нима деб ўйлашини айтди.
«Учранглар» сардори ЖЧ-2026 гуруҳ босқичи 1-туридан ўрин олган Сенегалга қарши баҳсда (3:1) рақиб дарвозасини икки бор ишғол қилди – биринчи вазиятда, 66-дақиқада, унга «Бавария» вингери ассистентлик қилди.
«Олисе билан бирга ўйнаш мен учун жуда осон. У доим бошини баланд кўтариб ҳаракат қилади, ҳар доим олдинга ўйнашга интилади», — дея Мбаппенинг сўзларини келтирмоқда Испания ОАВлари.
Айтганча, Франция ва Сенегал ўртасидаги учрашувнинг энг яхши футболчиси соврини Мбаппега эмас, айнан Олисега насиб этди.
Иккинчи турда французлар ироқлик рақибларига қарши майдонга тушишади.
