Жаҳон чемпионати-2026 "J" гуруҳи 1-туридан ўрин олган Австрия ва Иордания терма жамоалари ўртасидаги учрашув якунига етди. Қизиқарли кечган баҳсда австрияликлар 3:1 ҳисобида ғалаба қозонди.

Австрия ҳисобни 20-дақиқада очди. Романо Шмид рақиб дарвозасини ишғол қилди. Иккинчи бўлим бошида Али Олван Иордания номидан жавоб голини киритиб, мувозанатни тиклади.

Учрашув тақдирини эса 76-дақиқадаги автогол ҳал қилди. Иорданиялик ҳимоячи Язан Ал-Араб тўпни ўз дарвозасига йўллаб қўйди. Қўшимча вақтнинг 12-дақиқасида Марко Арнаутович пенальтини аниқ бажариб, баҳсга нуқта қўйди.

ЖЧ-2026. "J" гуруҳи. 1-тур
17 июнь, 2026 йил
Австрия — Иордания 3:1
Голлар: 1:0 — Шмид, 20. 1:1 — Олван, 50. 2:1 — Ал-Араб, 76 (автогол). 3:1 — Арнаутович, 90+12 (пен).

Кейинги турда Австрия 22 июнь куни Аргентинага қарши майдонга тушади. Иордания эса 23 июнь куни Жазоир билан куч синашади.