Лионель Месси Аргентина терма жамоаси тарихида Жаҳон чемпионатида хет-трик расмийлаштиришга муваффақ бўлган тўртинчи футболчига айланди.
Эслатиб ўтамиз, Месси Жазоир терма жамоаси дарвозасини уч бор ишғол қилиб, ўз жамоасига 3:0 ҳисобидаги ғалабани тақдим этди. Ушбу хет-трик футболчи учун Жаҳон чемпионатларидаги фаолиятида биринчиси бўлди.
Мессига қадар бир учрашувда рақиблар дарвозасига учта тўп киритиш Гонсало Игуаин, Габриэль Батистута ва Гильермо Стабилега насиб этган эди. Батистута фаолияти давомида дунё биринчиликларида иккита хет-трик қайд этган ягона аргентиналик ҳисобланади.
Аргентина навбатдаги учрашувни Австрияга қарши ўтказади. Баҳс 22 июнь куни бўлиб ўтади. Учрашув старти Москва вақти билан соат 20:00 га (Тошкент вақти билан 22:00 га) белгиланган.
