Франция миллий терма жамоаси Сенегалга қарши ЖЧ-2026 1-тур учрашувидаги асосий таркиби тарихдаги энг қиммат бошланғич таркиб сифатида қайд этилди. Бу ҳақда Transfermarkt маълум қилди.

Манбага кўра, французлар асосий таркибида майдонга тушган футболчиларнинг умумий қиймати 908 миллион евронни ташкил этган.

Франциянинг жорий таркиби жаҳон чемпионатлари тарихида рекорд қўйган бўлса-да, рўйхатнинг энг юқори поғоналаридан бир нечасини ҳам айнан французларга тегишли. Рейтингнинг иккинчи ўрнида эса Франция миллий терма жамоасининг ЖЧ-2018да Австралияга қарши ўйиндаги таркиби жой олган бўлиб, ўша вақтдаги умумий қиймат 710 миллион еврони ташкил этган.

ЖЧ-2026 мусобақаси 11 июндан 19 июлга қадар АҚШ, Канада ва Мексикада бўлиб ўтмоқда. Амалдаги жаҳон чемпиони Аргентина миллий терма жамоаси ҳисобланади.