«Мальорка» клубининг қанот ҳужумчиси Хан Вирхили яна «Барселона»га қайтиши мумкин.

Журналист Нил Соланинг берган маълумотларига кўра, «Барселона» Вирхили трансфери устида фаол иш олиб бормоқда. Каталонияликлар вингерни сотиб олишни ва кейин уни «Бетис» клубига ижарага беришни режалаштиришяпти. Ҳозирча томонлар якуний келишувга эришишмаган, бироқ музокаралар анча илгарилаб кетган.

Бундан олдинроқ, «Барселона» раҳбарияти Вирхилининг вакиллари билан учрашув ўтказгани ҳақида хабар берилган эди.

Ортда қолган 2025/26 йилги мавсумда Вирхили барча мусобақаларда 34 та учрашувда майдонга тушиб, 2 та гол урди ва 6 та голли узатмани амалга оширди.

Transfermarkt портали маълумотларига кўра, ёш футболчининг трансфер бозоридаги жорий баҳоси 15 миллион еврони ташкил этади.