Англия терма жамоаси ҳужумчиси Харри Кейн Жаҳон чемпионатлари тарихида миллий жамоа сафида учта турли мундиалда (2018, 2022, 2026) гол урган иккинчи футболчига айланди. У бу кўрсаткич бўйича Дэвид Бекхэмнинг (1998, 2002, 2006) натижасини такрорлади, деб хабар берди Opta Analyst.

ЖЧ-2026 гуруҳ босқичи 1-турида Англия Хорватияни 4:2 ҳисобида мағлуб этди. Учрашувда Харри Кейн дубль муаллифи бўлди.

Ушбу ўйиндан сўнг Кейнда Жаҳон чемпионатлари доирасида 12 ўйинда 10 та гол мавжуд. Шу натижа билан у Англия терма жамоаси тарихидаги мундиалларда энг кўп гол урганлар рўйхатида Харри Линекер билан тенглашди. Линекер узоқ вақт давомида бу рейтингда якка пешқадам бўлиб келган.

Англия терма жамоаси гуруҳ босқичи 2-турида 23 июнь куни Ганага қарши майдонга тушади. 3-турда эса 28 июнь куни Панама билан ўйнайди.

Хорватия терма жамоаси 24 июнь куни Панамага қарши, 28 июнь куни эса Ганага қарши ўйин ўтказади.