«Ницца» клуби Клод Пюэлнинг жамоа бош мураббийлигидан кетганини маълум қилди. 64 ёшли франциялик мутахассис 2025 йилнинг декабрь ойи охирида ўз фаолиятида иккинчи бор ушбу клуб бошқарувини қўлга олган эди ва жамоанинг олий дивизионда жон сақлаб қолишига ёрдам берди.
«Қувонч, азоб-уқубатлар, лекин энг муҳими — қўлга киритилган мақсад ва қўллаб-қувватлаш. Раҳмат, мураббий Пюэль», — дейилади клуб хабарида.
«Ницца» 2025/26 йилги мавсумда Лига 1 да 32 очко жамғариб, 16-ўринни банд этди. Ўтиш (стык) ўйинларида «бургутлар» «Сент-Этьен» клубини мағлуб этиб (0:0 ва 4:1), Франция элитасидаги ўринларини сақлаб қолишга муваффақ бўлишди.
