«Nissa» klubi Klod Pyuelning jamoa bosh murabbiyligidan ketganini ma’lum qildi. 64 yoshli fransiyalik mutaxassis 2025 yilning dekabr oyi oxirida o‘z faoliyatida ikkinchi bor ushbu klub boshqaruvini qo‘lga olgan edi va jamoaning oliy divizionda jon saqlab qolishiga yordam berdi.
«Quvonch, azob-uqubatlar, lekin eng muhimi — qo‘lga kiritilgan maqsad va qo‘llab-quvvatlash. Rahmat, murabbiy Pyuel», — deyiladi klub xabarida.
«Nissa» 2025/26 yilgi mavsumda Liga 1 da 32 ochko jamg‘arib, 16-o‘rinni band etdi. O‘tish (stik) o‘yinlarida «burgutlar» «Sent-Etyen» klubini mag‘lub etib (0:0 va 4:1), Fransiya elitasidagi o‘rinlarini saqlab qolishga muvaffaq bo‘lishdi.
