«Вест Хэм» клубининг қанот ҳужумчиси Крисенсио Саммервилл фаолиятини «Манчестер Юнайтед»да давом эттириши мумкин. Ушбу маълумотни журналист Николо Скира эълон қилди.

Манбанинг хабарига кўра, «Манчестер Юнайтед» нидерландиялик футболчига 2031 йилга қадар мўлжалланган ва уни яна бир йилга (2032 йилгача) узайтириш имконияти бўлган меҳнат шартномасини таклиф қилиб улгурган. Шунингдек, «қизил иблислар» 24 ёшли вингернинг трансфери борасида «Вест Хэм» клуби билан ҳам музокараларга киришган.

Ортда қолган 2025/26 йилги мавсумда Саммервилл барча мусобақаларда жами 34 та ўйинда майдонга тушиб, 7 та гол урди ва 5 та голли узатмага муаллифлик қилди.

Transfermarkt портали берган маълумотларга кўра, Саммервиллнинг айни пайтдаги бозор баҳоси 35 миллион еврони ташкил этади.