«Vest Xem» klubining qanot hujumchisi Krisensio Sammervill faoliyatini «Manchester Yunayted»da davom ettirishi mumkin. Ushbu ma’lumotni jurnalist Nikolo Skira e’lon qildi.
Manbaning xabariga ko‘ra, «Manchester Yunayted» niderlandiyalik futbolchiga 2031 yilga qadar mo‘ljallangan va uni yana bir yilga (2032 yilgacha) uzaytirish imkoniyati bo‘lgan mehnat shartnomasini taklif qilib ulgurgan. Shuningdek, «qizil iblislar» 24 yoshli vingerning transferi borasida «Vest Xem» klubi bilan ham muzokaralarga kirishgan.
Ortda qolgan 2025/26 yilgi mavsumda Sammervill barcha musobaqalarda jami 34 ta o‘yinda maydonga tushib, 7 ta gol urdi va 5 ta golli uzatmaga mualliflik qildi.
Transfermarkt portali bergan ma’lumotlarga ko‘ra, Sammervillning ayni paytdagi bozor bahosi 35 million yevroni tashkil etadi.
