Португалия миллий терма жамоаси бош мураббийи Роберто Мартинес гуруҳ босқичи 1-турида ДР Конго билан қайд этилган дурангдан (1:1) сўнг, жамоанинг Жаҳон чемпионатидаги истиқболлари ҳақидаги саволга жавоб берди. Португалияликлар мундиалнинг асосий фаворитларидан бири сифатида эътироф этилаётган эди, бироқ дастлабки ўйин оптимизм учун у қадар катта асос бўла олмади.

«Биз Жаҳон чемпионатида албатта ғалаба қозонишимиз шарт, деган мажбурият йўқ. Биз яхши ўйин кўрсатишимиз ва биздан талаб қилинадиган ишни бажаришимиз керак. Турнирда ғолиб чиқиш мажбурияти юкини елкаларимизда кўтариб юришни истамаймиз. Бизнинг биринчи мақсадимиз — гуруҳ босқичида имкон қадар кўпроқ очко жамғаришдир», — дея Мартинеснинг журналистлар билан суҳбатдаги сўзларини келтирмоқда матбуот хизмати.

Эслатиб ўтамиз, 2-турда Португалия терма жамоаси Ўзбекистонга қарши майдонга тушади — ушбу баҳс 23 июнь куни бўлиб ўтади.