Хорватия терма жамоаси вингери Иван Перишич ЖЧ-2026 гуруҳ босқичи 1-туридан ўрин олган Англияга қарши учрашувда Петар Мусага голли пас етказиб берди.
37 ёшли Перишич 2014 йилдан бошлаб кетма-кет тўртта Жаҳон чемпионатида ўз жамоадошларига голли узатма тақдим этиб келмоқда. Футбол тарихида (статистика юритила бошлаган 1966 йилдан бери) бундай натижага илгари фақат Лионель Месси эришган эди — аргентиналик юлдуз ҳисобида 5 та шундай мундиал мавжуд.
Эслатиб ўтамиз, Иваннинг ушбу тарихий ассистига қарамай, «шахмат тахтаси» вакиллари голларга бой бўлган баҳсда Англия терма жамоасига 2:4 ҳисобида имкониятни бой беришди.
