Ярим ҳимоячи Орельен Тчуамени катта эҳтимол билан «Реал»да ўйнашда давом этади.
Журналист Мигель Серранонинг маълумотларига кўра, Мадрид клуби жаҳон чемпионати якунланганидан кейин француз билан шартномани узайтириш бўйича музокараларни бошламоқчи. «Қаймоқранглилар» ярим ҳимоячини дахлсиз футболчи деб ҳисоблашади, шу сабабли шу ёзда унинг трансфери бўйича таклифларни эшитишни истамаяптилар.
Орельен Тчуамени 2022 йилда «Монако»дан «Реал»га 80 миллион евро эвазига ўтган эди. Унинг «қаймоқранглилар» билан шартномаси 2028 йилнинг 30 июнигача мўлжалланган. 2025/26 йилги мавсумда ярим ҳимоячи Мадрид клуби сафида барча турнирларда 49 та ўйин ўтказиб, иккита гол урди ва иккита голли узатмани амалга оширди.
