«Барселона» ва Испания терма жамоаси собиқ ҳимоячиси Жерар Пике Альваро Арбелоанинг «Реал»да қолишини хоҳлаганини маълум қилди.
Арбелоа Хаби Алонсо истеъфога чиқарилгач, январь ойида «Реал» бошқарувини қўлга олган эди. Мавсум якунланганидан кейин унинг ўрнини Жозе Моуриньо эгаллади.
«Менимча, Моуриньо шоу кўрсатиш учун яхши номзод, чунки энди футбол ҳақидаги гаплар янада камаяди.
Мавсум давомида мен «Реал»га бироз кўпроқ нарса тилагандим — совринлар эмас, балки сал яхшироқ ўйнашларини. Чунки мен Альваро Арбелоанинг қолишини истагандим. Менимча, у ҳаммани роса хурсанд қилди», — деди Пике.
