Россия Премьер Лигаси матбуот хизмати ЦСКА собиқ ярим ҳимоячиси Аббосбек Файзуллаевни Жаҳон чемпионатларидаги тарихий голи билан табриклади. Ўзбекистон терма жамоаси ярим ҳимоячиси ЖЧ-2026 умумий босқич 1-туридан ўрин олган баҳсда Колумбия миллий жамоаси дарвозасини ишғол қилди. Учрашув жанубий америкаликларнинг 3:1 ҳисобидаги ғалабаси билан якунланди.
«Аббос Файзуллаев Ўзбекистон терма жамоаси тарихига кирди! ЦСКА собиқ футболчиси мамлакат тарихида Жаҳон чемпионатларидаги илк голни урди. Гарчи бу Колумбияни мағлуб этиш учун камлик қилган бўлса-да, биз Аббосни ушбу тарихий ютуқ билан табриклаймиз!» — дейилади РПЛ матбуот хизмати хабарида.
Ҳозирда Файзуллаев Туркиянинг «Башакшеҳир» клуби шарафини ҳимоя қилмоқда.
