«Фенербахче» Исмоил Картални жамоанинг янги бош мураббийи этиб тайинлади. Бу ҳақда Fanatik портали хабар бермоқда.

65 ёшли мутахассис билан шартнома бир йилга мўлжалланган. Бу Картал учун Истанбул клуби бошқарувидаги тўртинчи давр ҳисобланади.

Доменико Тедеско кетганидан кейин раҳбарият узоқ вақт давомида янги устоз қидирди, бироқ якунда мухлисларга яхши таниш бўлган мураббий номзодида тўхталди. Карталга жамоанинг собиқ ҳужумчиси Дирк Кёйт ёрдам беради, у биринчи ассистент лавозимини эгаллайди.

«Фенербахче»га қайтиш мен учун катта шараф. Мухлисларимизни уятга қолдирмаслик учун қўлимдан келган барча ишни қиламан. Ишқибозларимиз олдида қарзимиз бор — бу чемпионлик унвони», — деди Картал тайинловдан сўнг.

Мураббий, шунингдек, клубдаги аввалги фаолиятини ҳам эслаб ўтди, ўшанда жамоа Туркия чемпионатида рекорд даражадаги 99 очко жамғариб, 99 та гол урган эди.

Якунланган мавсумда жамоа «Галатасарой»дан 4 очкога ортда қолган ҳолда иккинчи ўринда маррага етди.