Норвегия терма жамоаси ҳужумчиси Эрлинг Холанднинг 2026 йилги жаҳон чемпионати гуруҳ босқичи 1-туридан ўрин олган Ироққа қарши ўйиндаги (4:1) дубли Бергенда микросейсмик тебранишларни келтириб чиқарди. NORSAR сейсмология институти форварднинг голлари урилган вақтга тўғри келган тебранишларни қайд этди.
«Энг кучли тебранишлар Эрлинг Браут Холанднинг голлари урилган дақиқаларга тўғри келди, бу голлар норвегиялик мухлислар ўртасида баланд ҳайқириқларга сабаб бўлган», — дейилади NORSAR баёнотида.
Мутахассисларнинг тушунтиришича, бу ҳақиқий ер қимирлаши бўлмаган. «Кўплаб одамлар йирик спорт мусобақаларидаги муҳим вазиятларга бир вақтнинг ўзида муносабат билдирганда, уларнинг биргаликдаги ҳаракатлари ерда тебранишларни ҳосил қилиши мумкин. Бу тебранишлар эса сезгир сейсмометрлар томонидан қайд этилади», — дея қўшимча қилди институт вакиллари.
Сигналлар Бергендаги станция томонидан қайд этилган бўлиб, у ерда маҳаллий вақт билан ярим тундан ошганига қарамай, минглаб томошабинлар ўйинни кузатиб боришган.
