Norvegiya terma jamoasi hujumchisi Erling Holandning 2026 yilgi jahon chempionati guruh bosqichi 1-turidan o‘rin olgan Iroqqa qarshi o‘yindagi (4:1) dubli Bergenda mikroseysmik tebranishlarni keltirib chiqardi. NORSAR seysmologiya instituti forvardning gollari urilgan vaqtga to‘g‘ri kelgan tebranishlarni qayd etdi.
«Eng kuchli tebranishlar Erling Braut Holandning gollari urilgan daqiqalarga to‘g‘ri keldi, bu gollar norvegiyalik muxlislar o‘rtasida baland hayqiriqlarga sabab bo‘lgan», — deyiladi NORSAR bayonotida.
Mutaxassislarning tushuntirishicha, bu haqiqiy yer qimirlashi bo‘lmagan. «Ko‘plab odamlar yirik sport musobaqalaridagi muhim vaziyatlarga bir vaqtning o‘zida munosabat bildirganda, ularning birgalikdagi harakatlari yerda tebranishlarni hosil qilishi mumkin. Bu tebranishlar esa sezgir seysmometrlar tomonidan qayd etiladi», — deya qo‘shimcha qildi institut vakillari.
Signallar Bergendagi stansiya tomonidan qayd etilgan bo‘lib, u yerda mahalliy vaqt bilan yarim tundan oshganiga qaramay, minglab tomoshabinlar o‘yinni kuzatib borishgan.
