Бугун, 18 июнь куни футбол бўйича 2026 йилги Жаҳон чемпионати «А» гуруҳи 2-туридан ўрин олган Чехия ва ЖАР терма жамоалари ўртасидаги учрашув бўлиб ўтади. Ўйин «Мерседес-Бенц Стэдиум» (Атланта, АҚШ) стадионида ўтказилади. Учрашувни бош ҳакам сифатида Тори Пенсо (АҚШ) бошқариб боради. Ҳакамнинг старт ҳуштаги Тошкент вақти билан соат 21:00 да чалинади.

Жамоаларнинг бошланғич таркиблари:

Чехия: Коварж, Цоуфал, Гранач, Крейчи, Голеш, Дарида, Черв, Садилек, Сойка, Гложек, Шик.

ЖАР: Уильямс, Модиба, Мбокази, Мудау, Окон, Мокоена, Мбатха, Адамс, Апполлис, Масеко, Рейнерс.

«А» гуруҳининг 1-турида Чехия Жанубий Кореяга имкониятни бой берди (1:2). Ушбу учрашув жума куни, 12 июнда бўлиб ўтган эди. Бундан бир кун аввал эса ЖАР терма жамоаси турнирнинг очилиш ўйинида Мексика жамоасига мағлуб бўлганди (0:2). Гуруҳ босқичининг якуний турида чехлар Мексика билан куч синашишса, жанубий африкаликлар Жанубий Кореяга қарши майдонга тушишади.