Таниқли спорт шарҳловчиси Дмитрий Губерниев ЖЧ-2026 доирасида Ўзбекистон терма жамоасининг Колумбияга қарши ўйини (1:3) ҳақида ўз фикрини билдирди.
— Ўзбекистон тушкунликка тушмаслиги керак, биз уларни қўллаб-қувватлашда давом этамиз. Йигитлар тарихда биринчи марта жаҳон чемпионатида иштирок этмоқда. Мен уларга катта симпатия билан қарайман. Бу турнир ҳар қандай рақибдан қатъи назар, барчанинг имконияти борлигини кўрсатмоқда. Масалан, Португалиянинг Конго билан ўйини. Яна икки учрашув бор, эҳтимол ғалаба қозониб, кейинги босқичга чиқишар. Гуруҳ қийин, лекин барибир имконият мавжуд, — деди Губерниев.













