Бразилия терма жамоаси бош мураббийи Карло Анчелотти 2026 йилги Жаҳон чемпионати гуруҳ босқичининг 2-туридан ўрин олган Гаитига қарши ўйин олдидан миллий жамоа таркибида ўзгаришлар бўлишини маълум қилди.
Учрашув 20 июнь куни Тошкент вақти билан 05:30да бошланади.
«Ўзгаришлар бўлади. Футболчилар бу ҳақда билишади, лекин сизларга айтмайман», — деди италиялик мутахассис журналистларга.
Эслатиб ўтамиз, Бразилия илк турда Марокаш терма жамоаси билан дуранг ўйнаган эди (1:1). Ўша баҳсда «селесао»нинг ягона голига Винисиус Жуниор муаллифлик қилган. Гаити эса Шотландияга 0:1 ҳисобида имкониятни бой берган.
