Канада миллий терма жамоаси форварди Кайл Ларин 2026 йилги Жаҳон чемпионати гуруҳ босқичи доирасида Қатарга қарши кечган ғалабали ўйиндан сўнг журналистлар билан мулоқот қилди. Мундиал мезбонлари мазкур баҳсда 6:0 ҳисобида йирик ғалабани қўлга киритишди.
«Жамоамиз бутун дунёга Канада аслида нималарга қодирлигини кўрсатиб қўйди. Айтиш мумкинки, кўплаб футболчиларимизни аввал танишмасди. Бизда жамоавий руҳ жуда яхши ривожланган. Олдинда бизни Швейцарияга қарши учрашув кутмоқда, ўз ишимизни қилишда давом этишимиз керак. Биз бундан ҳам яхшироқ ўйнашга қодирмиз», — дея ҳужумчининг сўзларини келтиради ФИФА матбуот хизмати.
Канада тўрт очко жамғарган ҳолда ўз гуруҳида пешқадамлик қилмоқда. Мезбонлар навбатдаги ўйинни 24 июнь куни Швейцария терма жамоасига қарши ўтказишади.
