«Барселона» футболчиси Эрик Гарсия жамоанинг янги аъзоси Энтони Гордон ҳақида ўз фикрлари билан ўртоқлашди.

«Кўк-анорранглилар» инглиз футболчисини «Ньюкасл»дан сотиб олишган эди. Ушбу трансфер ҳақида май ойининг охирида эълон қилинганди.

«Гордон — жуда тезкор ўйинчи, у тўхтовсиз прессинг уюштиришга қодир. Менимча, у ўзининг фазилатлар тўплами билан бизда мавжуд бўлган футболчилардан фарқ қилади: жамоада Ямаль ва Рафинья каби бирга-бир вазиятларда ўйнашга ихтисослашган вингерлар бор, Гордон эса кўпроқ бўш ҳудудларда рақибни жазолашга мойил. Бундай маҳорат бизга жуда қўл келиши мумкин. Прессингдаги меҳнат қобилияти ҳам худди шундай. Жорий йилда «Ньюкасл»га қарши ўйнаганимизда буларнинг барчасини яққол кўргандик», — дея Гарсиянинг сўзларини келтиради Mundo Deportivo нашри.

Энтони Гордоннинг трансфери «Барселона»га 80 миллион еврога тушди.