«Барселона» ҳимоячиси Эрик Гарсия Мадриднинг «Атлетико» клуби ҳужумчиси Хулиан Альварес ҳақида нималар деб ўйлашини сўзлаб берди.

Аргентиналик футболчининг Каталония клубига ўтиши ҳақидаги хабарлар анчадан бери айланиб юрибди. Ҳужумчининг ўзи ҳам «кўк-анорранглилар» сафига қўшилишдан мамнун бўлиши тахмин қилинмоқда, бироқ «матрасчилар» уни қўйиб юбормоқчи эмас.

«Хулиан Альварес ҳақида фақат бир нарсани айтишим мумкин — у жуда яхши ўйинчи ва буни аллақачон исботлаб улгурган. Аммо унинг келажаги мавзусига чуқур киришишни истамайман, чунки нима бўлишини ўзим ҳам билмайман», — деди Гарсия Mundo Deportivo нашрига берган интервьюсида.

Мавжуд маълумотларга кўра, «Атлетико» Альваресни «Барселона»га 100 миллион евро эвазига сотишни рад этган.