ЖЧ-2026 гуруҳ босқичининг 2-туридан ўрин олган баҳсда Канада терма жамоаси Қатар устидан 6:0 ҳисобида йирик ғалабани қўлга киритди. Турнир мезбонлари устози Жесси Марш учрашув якунланганидан сўнг ўз фикрларини билдириб ўтди.
«Биз айнан шуни — мана шундай футбол намойиш этишни истаган эдик. Бу томошабинларга ёқади. Жамоа ўзини ажойиб тарзда кўрсата олди», — дея мутахассиснинг сўзларини BBC нашри келтирмоқда.
Эслатиб ўтамиз, гуруҳ босқичининг 1-турида Канада терма жамоаси Босния ва Герцеговина билан 1:1 ҳисобида дуранг ўйнаган эди.
Жаҳон чемпионати 11 июндан 19 июлга қадар АҚШ, Мексика ва Канада майдонларида бўлиб ўтмоқда. Аргентина терма жамоаси амалдаги чемпион ҳисобланади.
