«Барселона» хавбеки Гави Испания терма жамоасидаги жамоадошлари — Марк Кукурелья ва Ламин Ямал ўртасидаги бўлажак дуэлни интиқлик билан кутмоқда.
«Челси»нинг чап қанот ҳимоячиси яқинда Мадриднинг «Реал» клубига ўтди. Келишув аллақачон расман тасдиқланган. 27 ёшли футболчи жаҳон чемпионатидан сўнг «қаймоқранглилар» ихтиёрига бориб қўшилади.
«Бизга қарши ўйинларда Кукурелья Ямалга қарши ҳимояланишига тўғри келади. Марк — кучли рақиб, у жуда яхши формада», — деди Гави RAC1 телеканалига берган интервьюсида.
«Кўк-анорранглилар» ярим ҳимоячиси, шунингдек, Кукурельянинг «Реал»га трансфер қилингани ҳақидаги хабар уни ва Испания терма жамоасидаги барчани ҳайратда қолдирганини тан олди.
