Лондоннинг «Тоттенхэм» клуби 25 ёшли марказий ҳимоячиси Микки ван де Венни қанча маблағ эвазига сотиши мумкинлиги маълум бўлди.
«De Telegraaf» нашрининг таъкидлашича, «шпорлар» раҳбарияти нидерландиялик футболчининг трансферини 115 миллион еврога баҳоламоқда. Ван де Венга иккита гранд клуб — Испаниянинг «Барселона» ва Англиянинг «Ливерпуль» жамоалари қизиқиш билдирмоқда.
Якунланган клуб мавсумида ван де Вен барча турнирларни инобатга олган ҳолда 45 та учрашувда майдонга тушди, рақиблар дарвозасини 7 бор ишғол этди ва 1 та голли узатма муаллифига айланди.
Ван де Веннинг «Тоттенхэм» билан амалдаги меҳнат шартномаси 2029 йилнинг июнь ойи якунига қадар мўлжалланган.
