Германия терма жамоаси бош мураббийи Юлиан Нагельсманн ЖЧ-2026 гуруҳ босқичи 2-туридан ўрин олган Кот-д’Ивуарга қарши ўйин олдидан журналистлар билан суҳбатлашди.
«Биз ғалаба қозонишни истаймиз — мақсадимиз шу. Таркибда ниманидир ўзгартириш учун менда жиддий сабаблар йўқ, бироқ ҳозир сизларга барча ўй-фикрларимни очиқламоқчи эмасман. Биз руҳланганмиз ва бизни ажойиб ўйин кутаётганига ишонамиз», — деди Нагельсманн матбуот анжуманида.
Биринчи тур баҳсида Германия терма жамоаси кюрасаолик рақиблари устидан йирик ҳисобда ғалаба қозонган эди (7:1).
