Германия терма жамоаси жаҳон чемпионати гуруҳ босқичи иккинчи турида Кот-д’Ивуарга қарши майдонга тушади. Ҳар икки жамоа ҳам мундиални ғалаба билан бошлашди: немислар кюрасаолик рақибларига ҳеч қандай имконият қолдиришмади (7:1), ивуарликлар эса Эквадор устидан ғалабани илиб кетишди (1:0).
«Кот-д’Ивуар терма жамоаси саралаш ва ўртоқлик учрашувларида ажойиб ҳаракат қилди. Уларнинг ўйин услуби анча кутилмаган. Жамоа қанотларда кучли, тўп билан ҳам, тўпсиз ҳам жуда кучли энергияга эга, прессингда ва тўп йўқотилганда тартибли ҳаракат қилади. Биз уларнинг кучли томонларини иложи борича зарарсизлантиришга ҳаракат қиламиз», — дея Бундестим бош мураббийи Юлиан Нагельсманннинг сўзларидан иқтибос келтиради Bayern & Germany.
