Бразилия терма жамоаси бош мураббийи Карло Анчелотти ЖЧ-2026 2-турида Гаити устидан қозонилган ғалабадан (3:0) кейин ўз фикрлари билан ўртоқлашди.

«Мукаммал ўйин бўлди. Биринчи бўлимда яхшироқ ҳаракат қилдик, ҳужумда самаралироқ бўлдик. Иккинчи бўлимда эса ўйинни кўпроқ назорат қилдик. Шунга қарамай, бизда етарлича вазиятлар бўлди, янада кўпроқ гол уришимиз мумкин эди. Бу яхши ўйин бўлди.

Биз Дуглас Сантосни қанотда қолдириб, Винисиусни марказга қўйдик ва у бу вазифани аъло даражада уддалади. Вини нафақат яккама-якка вазиятларда хавфли. Ярим ҳимоя чуқурлигидан уюштириладиган ҳужум ҳам хавфли бўлиши мумкин. У позицияларини ўзгартириши, бошқа футболчилар эса унга мослашишлари мумкин. Ўнг қанотни эса Рафинья ва Райан билан барқарор деб ҳисоблаймиз, чунки Данилонинг бироз орқароқда ўйнашини хоҳлаймиз.

Биз плей-офф ҳақида эмас, балки яхши ўйин кўрсатиш, Шотландияга қарши баҳсда ўйинимизни кучайтириш, ғалаба қозониш ва иложи бўлса, гуруҳда биринчи ўринни эгаллаш ҳақида ўйлаяпмиз. Шотландиянинг ўзига хос хусусиятлари бор ва улар Марокашга қарши ўйинда бўлгани каби муаммолар туғдириши мумкин. Хотиржамликни, совуққонликни сақлаш ва ишлашда давом этиш муҳим.

Барча ўйинлар қийин ўтади. Биз Бразилия футбол федерациясида барча жамоалар билан рақобатлаша олишимизга ишонамиз. Шу жумладан, Гаити ва Франция билан ҳам», – деди Карло Анчелотти.