«Барселона» клуби ярим ҳимоячиси Френки де Йонг Жаҳон чемпионати доирасидаги Нидерландия ва Швеция терма жамоалари ўртасидаги баҳс олдидан жароҳат олди.
29 ёшли футболчи машғулот пайтида жамоадоши Квинтен Тимбер билан тўқнашиб кетган. Бу ҳақда бўлиб ўтган матбуот анжуманида бош мураббий Рональд Куман маълум қилди. Тимберда шифокорлар мия чайқалишини аниқлашган. «Кўк-анорранглилар» ярим ҳимоячисининг бўлажак Жаҳон чемпионати баҳсидаги иштироки сўроқ остида турибди, «Марсель» вакили (Тимбер) эса учрашувни аниқ ўтказиб юборади.
Нидерландия ва Швеция терма жамоалари ўртасидаги учрашув бугун бўлиб ўтади. Ўйин Тошкент вақти билан соат 22:00 да бошланиши режалаштирилган.
