Португалия терма жамоаси сардори Криштиану Роналдунинг опаси Элма Авейру миллий жамоа футболчиларининг акасига бўлган муносабатини қаттиқ танқид қилди.

«Уларда ҳатто ўз оилаларига ҳам ҳурмат йўқ, қолаверса, ҳеч кимга ўзини исботлаши шарт бўлмаган ва бу ерда фақат футболга бўлган муҳаббати туфайли юрган инсон ҳақида гап кетмоқда. Ношукр ва жоҳиллар», — деб ёзди Элма Instagram саҳифасида.

Шунингдек, Роналдунинг яна бир опаси Катя Бруну Фернандешни танқид қилган постни маъқуллаган. Ушбу постда ярим ҳимоячи қатъиятсизлик ва етакчилик масъулиятини зиммасига олишни истамаётганликда айбланган.

Маълумотларга кўра, Роналдунинг опаси бу баёнот билан ДР Конгога қарши ЖЧ-2026 гуруҳ босқичи биринчи тур учрашувидан (1:1) кейин акасини ҳимоя қилишга уринган. Ўша баҳсдан сўнг 41 ёшли ҳужумчи самарали ҳаракатлар кўрсата олмагани ва ўйинга ижобий таъсир кўрсата олмагани учун танқидларга учраган эди.

Роналду оиласи аъзоларининг бу ҳаракатлари футбол жамоатчилигида қизғин муҳокамаларга сабаб бўлди. Шунингдек, Португалия терма жамоаси йиғинида бўлиниш ва ички муҳитда таранглик юзага келгани ҳақидаги тахминлар ҳам пайдо бўлди.