«Челси» ҳимоячиси Рис Жеймс жамоадоши Марк Кукурельянинг клубни тарк этгани ҳақида нималар деб ўйлашини сўзлаб берди.

Испаниялик ҳимоячи янги мавсумдан бошлаб Мадриднинг «Реал» клуби шарафини ҳимоя қилади. Ла Лига гранди 27 ёшли футболчи билан шартнома имзоланганини ҳафта бошида расман эълон қилган эди.

«Мен Кукурелья билан бир неча кун олдин гаплашдим. Марк ўз позициясида дунёнинг энг яхшиларидан бири ҳисобланади, бироқ бу футбол — ўйинчилар доимий равишда келишади ва кетишади. Унинг кетганидан жуда афсусдаман, лекин унга келажакдаги фаолиятида фақат энг яхши тилакларни тилаб қоламан», — дея «talkSPORT» нашри Жеймснинг сўзларини келтиради.

Марк Кукурельянинг трансфер баҳоси бонуслар билан биргаликда 60 миллион еврони ташкил этмоқда. Чап қанот ҳимоячиси 2022 йилдан буён «кўклар» шарафини ҳимоя қилиб келаётган эди.