«Бавария» ва Франция терма жамоаси вингери Майкл Олисе қайси позицияда ўйнашни афзал кўришини маълум қилди.
24 ёшли футболчи сўнгги йилларда ўзи одатда ҳаракат қилаётган ўнг қанот ҳужумидан кўра, марказда — ҳужумчи ортида ўзини анча қулай ҳис қилишини тан олди.
«Менга «ўнлик» позициясида ўйнаш қулайроқ — бу позиция бироз кўпроқ эркинлик беради. Мен айнан ўша ерда ўйнаб улғайганман, шунинг учун бу мен учун табиий ҳолат», — деди Олисе L'Equipe нашрига берган интервьюсида.
23 июнь куни францияликлар ЖЧ-2026 гуруҳ босқичи 2-тури доирасида Ироқ терма жамоасига қарши майдонга тушишади. Баҳс Тошкент вақти билан 23 июнга ўтар кечаси соат 02:00 да бошланади.
