Майкл Оуэн мураббий алмашганидан кейин Муҳаммад Салоҳ ўз фикридан қайиб, «Ливерпуль»ни тарк этмаслиги эҳтимолини истисно қилмаяпти.

«Наҳотки вазиятнинг бутунлай ўзгариб кетишининг иложи бўлмаса? Менимча, бу ўзгартириб бўлмас иш эмас. Агар Слот мавсум давомида истеъфога чиқарилганида, Салоҳ янги мураббий қўл остида шартномаси якунига қадар ўйнаши мумкин эди. Бунинг иложи йўқ деб ўйламайман.

Агар улар Слотни мавсум тугашига бешта ўйин қолганда ишдан бўшатишганида, эҳтимол, бундай бурилиш юз бериши мумкин эди. Балки ҳозир ҳам бу нарса бутунлай имконсиз эмасдир», — дея мерсисайдликлар собиқ ҳужумчисининг Casino.org сайтига берган интервьюсидан иқтибос келтиради.