Ироқ терма жамоаси бош мураббийи, австралиялик Грэм Арнолд жаҳон чемпионати доирасида Францияга қарши ўйин олдидан мамлакатда футболнинг оммавийлиги ҳақида гапириб ўтди.

— Ироқда футбол қандай ўрин тутади?

— Бу биринчи рақамли спорт тури, бошқалардан катта фарқ билан олдинда. Мухлислар футболга том маънода муккасидан кетишган. Ўйинчилар деярли оддий ижтимоий ҳаёт кечира олмайдилар — уларни ҳамма жойда танишади. Мен супермаркетга пиёда чиққаним ҳамоноқ, атрофда машиналар тўхтаб, одамлар тушиб, суратга тушишни сўрашарди.

Мамлакатда футболга қизиққан 46 миллион аҳоли бор. Бундай ҳиссиётлар аввалги авлод ўйинчиларига ҳам босим ўтказган — турнирга чиқиш зарурати сабабли уларга улкан босим юкланган эди.

— Францияга қарши ўйин олдидан бу босим сақланиб қолганми?

— Мен ўйинчиларга шундай дедим: «Биз ҳали ҳеч нарсага эришганимиз йўқ». Жаҳон чемпионатига чиқиш мамлакат ва мухлислар учун фантастик воқеа, аммо биздан кимнидир мажбурий равишда ютишимизни ҳеч ким кутмаяпти.

Бизнинг вазифамиз — ҳар қачонгидан ҳам яхшироқ ўйнаш ва дунёни ҳайратда қолдира олишимизга ишонч билан майдонга тушиш. Нафақат мухлисларимизни, балки бутун дунёни ҳайратлантириш керак, — деди Арнолд.

Жаҳон чемпионатининг биринчи турида Ироқ Норвегияга 1:4 ҳисобида имкониятни бой берди ва I гуруҳида охирги ўринда бормоқда.