Эрон терма жамоаси дарвозабони Алиреза Бейранванд 2026 йилги футбол бўйича жаҳон чемпионати G гуруҳи 2-турида Бельгияга қарши ўйиннинг (0:0) энг яхши футболчиси деб эътироф этилди.
Мазкур баҳсда тажрибали голкипер еттита сейв амалга ошириб, жамоасини гол ўтказиб юборишдан сақлаб қолди.
Бейранванд Эрон терма жамоаси сафида 2015 йилдан буён тўп суриб келмоқда. У аввал ҳам 2018 ва 2022 йилги жаҳон чемпионатларида иштирок этган.
Ушбу дурангдан кейин G гуруҳида Бельгия ва Эрон ҳисобида иккитадан очко бор. Янги Зеландия ҳамда Мисрда эса бир очкодан мавжуд бўлиб, улар ўзаро 22 июнь куни баҳс олиб боради.
3-турда Бельгия Янги Зеландияга қарши майдонга тушса, Эрон Миср билан куч синашади. Иккала учрашув ҳам 27 июнь куни бўлиб ўтади.













