Бельгия терма жамоаси ҳужумчиси Ромелу Лукаку Эрон билан қайд этилган дуранг (0:0) ҳақида фикр билдирди. Жамоалар жаҳон чемпионати гуруҳ босқичи иккинчи турида ўзаро тўқнаш келишди.
«Албатта, биз хафамиз. Бу ўйинда нима нотўғри кетганини таҳлил қилишимиз керак. Бизда кўплаб имкониятлар бўлди, аммо гол ура олмадик.
Биз ҳаддан ташқари ҳиссиёт билан ўйнадик. Бошқа қўшимча қиладиган гапим йўқ. Бизда ўйин режаси бор эди, лекин биз унга янада яхшироқ амал қилишимиз керак эди. Бундай пайтларда ҳиссиётларни иккинчи планга суришни билиш керак», — дея Лукакунинг сўзларини келтиради RTBF.
Гуруҳ босқичининг икки туридан сўнг Бельгия терма жамоаси ҳисобида 2 очко бор ва у турнир плей-офф босқичига чиқиш имкониятини сақлаб қолмоқда. 27 июнь куни жамоа Янги Зеландия билан куч синашади.
