Ироқ терма жамоасининг австралиялик мураббийи Грэм Арнолд ҳамкасби Дидье Дешамнинг иши анча қийинроқ деб ҳисоблайди, чунки у ўз юрти терма жамоасини бошқармоқда.
ЖЧ-2026 иккинчи турида Ироқ Дидье Дешам қўл остидаги Франция билан ўйнайди. Ўйин Тошкент вақти билан 24 июнь куни соат 02:00'да бошланади.
«Ҳозир мен Австралия терма жамоаси мураббийи бўлган пайтимга нисбатан анча кам стрессга дуч келяпман. Дидье Франция терма жамоасида қандай қилиб бунчалик узоқ вақт (у 2012 йилдан бери жамоани бошқариб келмоқда) қолганига ҳайронман.
Ўз мамлакатингиз терма жамоасини бошқарганингизда, муваффақиятга эришишни ва ҳеч кимни хафа қилмасликни жуда қаттиқ хоҳлайсиз. Бу ерда эса ҳаммаси бошқача. Мен биринчи марта Ироқ терма жамоаси либосини кийганимда, бу бироз ғалати туюлганди. Аммо мен ҳар бир дақиқадан завқ оляпман: эҳтирос, маданият, одамлар ва янги чақириқ.
Бу ерда эса умуман босим йўқ. Дидье эса мендан анча каттароқ босимга дуч келмоқда», — дея кулиб қўйди Арнолд.
