Iroq terma jamoasining avstraliyalik murabbiyi Grem Arnold hamkasbi Didye Deshamning ishi ancha qiyinroq deb hisoblaydi, chunki u o‘z yurti terma jamoasini boshqarmoqda.
JCH-2026 ikkinchi turida Iroq Didye Desham qo‘l ostidagi Fransiya bilan o‘ynaydi. O‘yin Toshkent vaqti bilan 24 iyun kuni soat 02:00'da boshlanadi.
«Hozir men Avstraliya terma jamoasi murabbiyi bo‘lgan paytimga nisbatan ancha kam stressga duch kelyapman. Didye Fransiya terma jamoasida qanday qilib bunchalik uzoq vaqt (u 2012 yildan beri jamoani boshqarib kelmoqda) qolganiga hayronman.
O‘z mamlakatingiz terma jamoasini boshqarganingizda, muvaffaqiyatga erishishni va hech kimni xafa qilmaslikni juda qattiq xohlaysiz. Bu yerda esa hammasi boshqacha. Men birinchi marta Iroq terma jamoasi libosini kiyganimda, bu biroz g‘alati tuyulgandi. Ammo men har bir daqiqadan zavq olyapman: ehtiros, madaniyat, odamlar va yangi chaqiriq.
Bu yerda esa umuman bosim yo‘q. Didye esa mendan ancha kattaroq bosimga duch kelmoqda», — deya kulib qo‘ydi Arnold.
