Испания терма жамоаси 2026-йилги жаҳон чемпионати гуруҳ босқичи 2-турида Саудия Арабистонини 4:0 ҳисобида мағлубиятга учратди ва жаҳон чемпионатлари тарихида ҳеч кимга насиб этмаган ноёб натижани қайд этди.
OptaJose статистик порталининг X ижтимоий тармоғидаги маълумотига кўра, Испания таркибида 18 ёш ёки ундан кичик бўлган икки нафар футболчи жаҳон чемпионати ўйинида гол урган тарихдаги биринчи миллий терма жамоага айланди. Хусусан, «қизил фурия» таркибида 2022-йилда Коста-Рика дарвозасини Гави (18 ёш, 110 кунлик) ва Саудия Арабистонига қарши кечган ўтган учрашувда Ламин Ямаль (18 ёш, 343 кунлик) гол муаллифи бўлишди.
3-турда Испания миллий терма жамоаси Уругвай билан баҳс олиб боради (27 июнь).
