Туркия терма жамоасининг собиқ бош мураббийи Фотиҳ Терим миллий жамоанинг омадсиз иштирокига нисбатан босиқроқ муносабатда бўлишга чақирди ва инқироз даврида қўллаб-қувватлаш муҳимлигини таъкидлади.
«Илтимос: келинглар, буни тўғри йўл билан амалга оширайлик. Келинглар, ўзимизни катта жамоалар ва катта давлатлардек тутайлик. Улар ҳам ютқазишади, аммо мағлубиятдан сўнг жуда тез ўрнидан туришни билишади — бу энг муҳим фарқдир. Бу ўйин, албатта, танқид ва таҳлил қилинади, менинг ягона илтимосим — қаттиққўл ва вайронкор бўлмасликдир. Айнан улар бизни шу ерга олиб келишди ва эртага биз улардан яна кўп нарсани кутамиз», — деб баёнот берди Терим.
Туркия жаҳон чемпионатидаги иккала ўйинида ҳам мағлубиятга учради ва плей-оффга чиқиш имкониятидан маҳрум бўлди.
