«Милан» дарвозабони Майк Меньян фаолиятини Англияда давом эттириши мумкин. Football Italia хабарига кўра, «Челси» Франция терма жамоаси посбонининг атрофидагилар билан алоқани фаоллаштирди ва аллақачон унинг агенти Жонатан Кебе билан ёзги трансфер бўйича музокаралар олиб бормоқда.

Ҳозирча Лондон клуби расмий таклиф билан чиқмади, бироқ қизиқиш жиддий ҳисобланади ва яқин ҳафталарда музокаралар ривожланиши мумкин.

«Милан» бош мураббийи Рубен Аморим Меньянни ўз лойиҳасининг муҳим қисми деб билади ва франциялик дарвозабонга тенг келадиган ўринбосар топиш жуда қийин бўлишини таъкидлайди.

Шу билан бирга, футболчининг ўз позицияси ҳал қилувчи омил бўлиши мумкин. Хабарларга кўра, Меньян фаолиятидаги янги чақириққа тайёр ва Англия чемпионатида тўп суриш у учун жуда жозибали вариант бўлиб кўринмоқда.

Клуб раҳбариятидаги ўзгаришлар қўшимча ноаниқлик келтириб чиқармоқда. Дарвозабон билан шартномани узайтириш аввалги спорт раҳбарияти ва мураббийлар штаби билан келишилган эди, улар эса ҳозирда «Милан»ни тарк этишган.