Лондоннинг «Тоттенҳэм» клуби бош мураббийи Роберто Де Дзерби клуб раҳбарияти билан суҳбатлашишни режалаштирди. Бу ҳақда журналист Жеймс Дэвис хабар бермоқда.
Манбанинг маълумотига кўра, мураббий душанба, 22 июнь куни бошлиқлар билан боғланиб, бир қатор муҳим масалаларни, жумладан, ўз талаблари ва трансфер бозоридаги ишларни муҳокама қилмоқчи. Суҳбат куннинг иккинчи ярмида бўлиб ўтиши кутилмоқда.
Де Дзерби ўтган баҳорда «Тоттенҳэм» бошқарувини қўлга олган эди. Италиялик мутахассис қўл остида «шпорлар» Англия премьер-лигасидаги ўрнини сақлаб қолди ва турнир жадвалида 17-ўринни эгаллади. Хавфли зонадан фарқ бор-йўғи икки очкони ташкил этди.
