«Лацио» марказий ҳимоячиси Марио Хила «Наполи»га ўтишга яқин турибди. Бу ҳақда журналист Альваро фон Ричетти хабар бермоқда.
Манбанинг маълумотига кўра, битим суммаси тахминан 15 миллион еврони ташкил этади. Таъкидланишича, бу сумманинг 50 фоизи Мадриднинг «Реал» клубига тегади, чунки Хила 2022 йилда айнан шу жамоадан «Лацио»га ўтган эди.
Ўтган мавсумда 25 ёшли ҳимоячи А Серия ва Италия Кубогида 36 та учрашувда майдонга тушди. Ушбу ўйинларда у бирор марта ҳам самарали ҳаракат (гол ёки голли узатма) қайд этмади.
Хиланинг «Лацио» билан тузган шартномаси келаси ёзгача мўлжалланган. Transfermarkt портали мутахассислари футболчининг нархини 30 миллион еврога баҳолашмоқда.
